TA’LIM JARAYONINI INDIVIDUALLASHTIRISHDA SUN’IY INTELLEKT TEXNOLOGIYALARI

Abstract

Mazkur maqolada sun’iy intellekt texnologiyalarining ta’lim jarayonini individuallashtirishdagi o‘rni va imkoniyatlari tahlil qilingan. Unda adaptiv ta’lim tizimlari, virtual tutorlar, learning analytics hamda Bayesian Knowledge Tracing algoritmlarining o‘quvchilar bilimini baholash va individual o‘quv trajektoriyasini shakllantirishdagi ahamiyati yoritilgan. Tadqiqot davomida SI asosidagi platformalarning ta’lim samaradorligini oshirishi, o‘zlashtirish tezligini kuchaytirishi va xatolarni kamaytirishi ilmiy jihatdan asoslab berilgan. Shuningdek, sun’iy intellektni ta’limga joriy etishda ma’lumotlar xavfsizligi, algoritmik xolislik va texnologik tengsizlik kabi muammolar ham ko‘rib chiqilgan. Tadqiqot natijalari SI asosidagi individual ta’lim modeli zamonaviy pedagogikaning istiqbolli yo‘nalishlaridan biri ekanligini ko‘rsatadi.