AL-XORAZMIY ILMIY MEROSINING ZAMONAVIY TA’LIM TARAQQIYOTIDAGI AHAMIYATI

Abstract

Mazkur maqolada buyuk alloma Al-Xorazmiyning ilmiy merosi, uning matematika, astronomiya, geografiya va ilmiy bilish metodologiyasi rivojiga qo‘shgan hissasi tahlil qilinadi. Shuningdek, olim asarlarining zamonaviy ta’lim tizimidagi o‘rni, yoshlarning ilmiy dunyoqarashini shakllantirishdagi ahamiyati hamda innovatsion ta’lim jarayonlarida foydalanish imkoniyatlari yoritiladi. Tadqiqotda Al-Xorazmiy tomonidan asos solingan ilmiy yondashuvlarning bugungi kunda STEM ta’limi, raqamli texnologiyalar va kompetensiyaviy ta’limni rivojlantirishdagi metodologik ahamiyati ochib beriladi. Maqola natijalariga ko‘ra, Al-Xorazmiy ilmiy merosi zamonaviy ta’limning nazariy va amaliy asoslarini boyituvchi muhim manba sifatida xizmat qilishi asoslanadi.